نبدا بحمد الإله ونطلب منو المداد [size="6"]
إلي فضايل عمت الانسان كل الدواب
والصلاة على محمد وأهل الامجاد
ولي كثر الصلاة عليه في الاخره مايهاب
دعيت وصليت والخوف قوا وزاد
ولهموم كثرت ودارت ظلها كالسحاب
إحساسي مانقدرش نبين بكتيبة بالمداد
إحساس عجاج مخلط بالرعود والضباب
المكتوب مخبي ما يعرف غير العباد
وانا راضي بيه حتى يسندوني عالتراب
سير حياتك كيما حب الإله وراد
وكثر فعل الخير باه تفرح يوم الحساب
كرهت الدنيا ومن ضرها دار لفواد
رب اكشف الضر وسلكني من نار لعذاب
عاشق الدنيا نمثل بكلب كداد
على جال عظمة ماتشبع كسر الانياب
الدنيا لي حبها تعييه بالمال ولولاد
حتى تنسيه في الرب الخالق النواب
وتخسر الجنة وتربحو نار المعاد
وانا صغير بلا ما جربت شعر شاب
الدنيا تخلقت لينا كيما قالو الاسياد
وسعدو لي جعلها طريق للجنة ومحراب
سلعة ربي غالية مانبدلها بالكفر والعناد
سلعة رب الجنه ماتنالها غير بالجهاد
الدنيا والاخره ضراير ولي عدل بينهم صاب
زين عقلك وقلبك وصبر كالصياد
ولي فسد عقلو وحب الدنيابقلب خاب
الزمان صعاب وكثر فيه الشر والفساد
والموت راه يخطف حضر النفس والجواب
واسمعني نوصيك بالتقوى هي الزاد
وعمر القلب بالخير تلقى الخير والثواب
واهجر لبلاد لي كثرو فيها الحساد
وادعي الله يفتح من الخير ألف باب
نعايم رب ما تتحصى بالاعداد
ولي قال حصاها هو جاحد وكذاب
يومك لي ضاع ياغافل ما ينعاد
وكل فعايلك فيه تقيدت في كتاب
مادير الامان وتعطيها غير رقاد
الدنيا كالحيه إلي تخف السم في الناب
إدعينا حب الرسول ودرنالو أعياد
وسنة مهجوره هذي مده وأحقاب
ثم الصلاة على صاحب النور والرشاد
محمد شفيعنا في يوم ما ينفع فيه الاحباب شكرا لمن قرأها وأعاد[/size]